Алег Граблеўскі – удзельнік экспертнай групы па распрацоўцы дакумента бачання функцыянавання пенітэцыярнай медыцыны і псіхалогіі ў Беларусі

Раней, мы пісалі пра ўдзельнікаў працоўнай групы па распрацоўцы дакумента бачання функцыянавання пенітэцыярнай медыцыны і псіхалогіі ў Беларусі. Зараз давайце пазнаёмімся з тымі, хто выкажа свой экспертны погляд на гэтую тэму.

Алег Граблеўскі – юрыст, праваабаронца, журналіст.

Больш 25 гадоў аказвае юрыдычную падтрымку людзям, арганізацыям грамадзянскай супольнасці і прафсаюзам Беларусі. Аўтар больш 200 публікацый у галіне адукацыі, працоўных правоў грамадзян, грамадска-палітычнай экспертызы.

На працягу 1999 – 2016 году працаваў у якасці эксперта і кансультанта па прававых пытаннях для экалагічных, сацыяльных арганізацый і ініцыятываў. Сябра Беларускай асацыяцыі журналістаў, Міжнароднай асацыяцыі журналістаў, эксперт Балонскака камітэту.

2017-2020 гг. – юрыст праваабарончай асветніцкай арганізацыі “Офіс па правах людзей з інваліднасцю”, г. Мінск.

У 2020 годзе асуджаны на 15 сутак падчас праваабарончага маніторынгу за маршам людзей з інваліднасцю. У 2021 годдзе цягам 6 месяцаў утрымліваўся ў СІЗА №1 г. Мінск за прафесійную дзейнасць. Палітзняволены.

У 2021 годзе ўзнагароджаны міжнароднай прэміяй Front Line Defenders для праваабаронцаў, якія вядуць сваю прафесійную дзейнасць, падвяргаючы сябе рызыцы.

Кіраўнік суполкі Нацыянальна-Вызвольнага Руху “Вольная Беларусь” г. Брэмена.