21 траўня праваабарончая супольнасць вызнала Днём салідарнасці з палітзняволенымі Беларусі
Сёлета будзе трэцяя гадавіна са дня смерці ў шклоўскай калоніі №17 палітзняволенага актывіста Вітольда Ашурка. Яму была несвоечасова ці няякасна аказана медыцынская дапамога ў зняволенні. Мы назіраем, як людзей адпраўляюць за краты, нягледзячы на праблемы са здароўем. Таму зараз тэма Дня палітвязняў Беларусі – права на здароўе і медыцынскую дапамогу ў зняволенні.
З гэтай нагоды лекар, праваабаронца Васіль Завадскі разважае на тэму “Як медыцынская дапамога за кратамі выглядае з пункту гледжання беларускага заканадаўства” і разважае, якія перашкоды існуюць для надання медычнай дапамогі беларускім вязням.
