У Вільні адбудзецца канферэнцыя “Жанчыны ў зняволенні: нябачны боль пенітэнцыярнай сістэмы Беларусі”

Редактор

2 недели назад

Наша каманда 25 чэрвеня ладзіць у Вільні канферэнцыю “Жанчыны ў зняволенні: нябачны боль пенітэнцыярнай сістэмы Беларусі”.

Запрашаем зацікаўленых прыняць ўдзел ў абмеркаванні крызіснага становішча зняволеных жанчын у Беларусі.

Беларусь працягвае трымаць сумнае лідэрства ў Еўропе не толькі па колькасці зняволеных у адносінах да колькасці насельніцтва, але і па колькасці зняволеных жанчын. Па нашых дадзеных, у беларускіх турмах утрымліваецца не менш за 30 000 вязняў, з якіх каля 10 % — жанчыны. А сярод палітычных зняволеных жанчыны складаюць ужо амаль 15 %.

Жанчыны ў пенітэнцыярнай сістэме застаюцца нябачнымі:

— сістэма аховы здароўя не ўлічвае іх спецыфічных патрэбаў;

— доступ да псіхалагічнай і медыцынскай дапамогі выразна абмежаваны;

— гвалт, прыніжэнне і абыякавасць з боку адміністрацыі з’яўляюцца не выключэннямі, а нормай.

Трагічныя выпадкі смерці Ганны Кандраценка і Тамары Каравай, якія нядаўна памерлі пасля вызвалення, толькі падкрэсліваюць патрэбу ва ўсебаковым аналізе ролі пенітэнцыярных медыцынскіх службаў.

На канферэнцыі 25 чэрвеня каманда “Лекараў за праўду і справядлівасць” прэзентуе:

вынікі комплекснага даследавання пра стан здароўя і правы жанчын у зняволенні;