Фота: Макс Моррыссан.
Быць медыкам — гэта не проста прафесія. Гэта здольнасць заставацца чалавечным нават там, дзе сістэма гэтага не падтрымлівае. Гэта пра гатоўнасць дапамагаць, нават калі сам не ў бяспецы.
Сёння мы, «Лекары за Праўду і Справядлівасць», асабліва ўспамінаем тых, хто працуе сумленна — у шпіталях, на выездах, у турмах, у эміграцыі.
Дарагія калегі, жадаем трываласці, падтрымкі, годнай ацэнкі вашай працы і людзей побач, якія бачаць вашу каштоўнасць. Няхай прафесійнае прызванне прыносіць радасць, а чалавечнасць заўсёды перамагае.
З павагай і падзякай,
Вашы калегі з «Лекараў за Праўду і Справядлівасць»
