Што адбываецца, калі зняволенай патрэбна медыцынская дапамога? У беларускай калоніі нават спроба трапіць да лекара можа ператварыцца ў бюракратычны квест, а бальнічны — у рэдкі прывілей.
Былая палітзняволеная і праваабаронца «Вясны» Марфа Рабкова распавядае пра тое, з чым сутыкаюцца жанчыны ў калоніі: як трэба загадзя запісвацца да лекара, чаму нават высокая тэмпература не гарантуе вызвалення ад працы і чым медыцынская дапамога адрозніваецца для палітзняволеных — так званай «10-й катэгорыі» (зняволеныя са статусам “экстрэмісткі” ці “тэрарысткі”).
У выпуску таксама гаворым з сузаснавальнікам «Беларускай сацыялагічнай групы» Генадзем Коршунавым пра тое, як медыцынская дапамога ў калоніях уплывае не толькі на зняволеных, але і на іх сем’і. А псіхалагіня Вольга Вялічка каментуе працу псіхалагічнай службы.
Аператар, мантажор: Макс Моррыссан