Даследчая дзейнасць арганізацыі «Лекары за праўду і справядлівасць» сканцэнтравана на экспертных даследаваннях праблемы забеспячэння правоў чалавека ў пенітэнцыярнай сістэме Беларусі, асабліва – права на здароўе, на медыцынскую і псіхалагічную дапамогу ў зняволенні.
Асноўныя напрамкі даследаванняў:
– Медыцынская дапамога ў месцах пазбаўлення волі
Аналіз стану медыцынскай дапамогі зняволеным у Беларусі і праблем з яе даступнасцю, якасцю і эфектыўнасцю.
Выяўленне і аналіз сістэмных праблем, такім, як недахоп лекаў, доступ да неадкладнай, кваліфікаванай і спецыялізаванай дапамогі, адмовы ў медыцынскай дапамозе, ізаляцыя пацыентаў і інш. Выпрацоўка прапаноў і рэкамендацый па пераадоленню праблем і недахопаў.
– Псіхіятрычная і псіхалагічная дапамога зняволеным
Даступнасць і якасць псіхіятрычнай і псіхалагічнай дапамогі зняволеным. Кваліфікацыя спецыялістаў, якія аказваюць такую дапамогу, выкананне імі прафесійнай этыкі, давер да іх з боку зняволеных. Праблемы забеспячэння канфідэнцыйнасці пры аказанні такой дапамогі, забеспячэнне ўрачэбнай таямніцы.
– Псіхалагічны стан былых зняволеных
Інтэрв’ю і кейс-аналізы з людзьмі, якія прайшлі праз катаванні, псіхалагічны ціск, адзіночнае зняволенне.
Асаблівая ўвага – жанчынам і няпоўнагадовым.
Стан дзяцей палітвязняў.
У 2023 годзе выдадзена кніга “Ад двух ды пятнаццаці” (на бел. мове), дзе прадстаўлены рэальныя гісторыі дзяцей, чые бацькі апынуліся ў зняволенні.
Даследаванне сацыяльнай траўмы і яе наступстваў для псіхікі дзіцяці.
– Дакументаванне выпадкаў парушэння правоў пацыентаў у зняволенні.