Замест заяўленага «выпраўлення» беларуская пенітэнцыярная сістэма планамерна знішчае побытавую самастойнасць чалавека. Жорсткі кантроль, руйнаванне сямейных сувязяў і фармальны падыход да падрыхтоўкі да вызвалення прыводзяць толькі да росту рэцыдываў і глыбокай стыгматызацыі былых зняволеных.
На прыкладзе жаночай калоніі № 4 праваабаронца «Вясны», былая палітзняволеная Марфа Рабкова, праваабаронца Васіль Завадскі («Лекары за праўду і справядлівасць») і сацыёлаг Генадзь Коршунаў («Беларуская сацыялагічная група») разбіраюць, чаму рэальная рэсацыялізацыя ў Беларусі не працуе і як гэта ўплывае на грамадства.
Аператар, мантажор: Макс Моррыссан